უნირადი

დაჯავშნისა და წინასწარი კომუნიკაციის ეტაპზე დამიდასტურეს 3-ტესლიანი აპარატით მომსახურება, თუმცა ადგილზე მისვლისას აღმოჩნდა, რომ პროცედურა ტარდებოდა მხოლოდ 1.5-ტესლიან აპარატზე. მსგავსი შეუსაბამობა მომხმარებლის მიმართ არაპროფესიონალურ დამოკიდებულებას ქმნის და სანდოობას მნიშვნელოვნად აზიანებს. მსგავს სიტუაციებში, როგორც წესი, ორგანიზაციები მომხმარებელს სთავაზობენ ბოდიშს, შესაბამის ფასდაკლებას ან ალტერნატიულ მომსახურებას, თუმცა ამ შემთხვევაში მსგავსი მიდგომა საერთოდ არ დაფიქსირებულა. დამატებით, მომსახურების პროცესში საბოლოო გადაწყვეტილებებს იღებდა ხელმძღვანელი, ბატონი მიხეილი, რაც ქმნიდა შთაბეჭდილებას, რომ საკითხები სტანდარტების ნაცვლად სუბიექტურად წყდებოდა. პაციენტი სამედიცინო დაწესებულებაში მიდის ჯანმრთელობის პრობლემის გამო და არა უბრალოდ დროის გასატარებლად. როდესაც წინასწარ შეთანხმებული პირობები არ სრულდება, იკარგება როგორც დრო, ასევე ნდობა. სამწუხაროდ, შეცდომის აღიარებისა და საკითხის პროფესიონალურად მოგვარების ნაცვლად, ვერ მივიღე შესაბამისი პასუხისმგებლობა და მომსახურების ხარისხიც ძალიან დაბალ დონეზე შეფასდა. შესაბამისად, ამ გამოცდილების საფუძველზე, ვერ გავუწევ რეკომენდაციას.